Header Banner Advertisement

வறட்சியால் வாடும் பயிர்களுக்கு நுண்ணுயிர் திரவம் தெளிக்க வேளாண் துறை பரிந்துரை


001

print

வறட்சியால் வாடும் பயிர்களுக்கு நுண்ணுயிர் திரவம் தெளிக்க வேளாண் துறை பரிந்துரை செய்துள்ளது.

விவசாயிகள் சாகுபடி செய்துள்ள நெல், பயிறு வகைப் பயிர்களில் பூ மற்றும் காய் பிடிக்கும் தருணத்தில் மெத்தைலோ பாக்டீரியா திரவ நுண்ணுயிர் உரத்தை தண்ணீரில் கலந்து தெளிக்க தமிழ்நாடு வேளாண்மை பல்கலைக்கழகம் பரிந்துரை செய்துள்ளது. 100 மில்லி முதல் 200 மில்லி அளவிலான மெத்தைலோ பாக்டீரியா நுண்ணுயிர் உரத்தை 10 லிட்டர் நீரில் கலந்து இலையில் நன்கு நனையும்படி காலை அல்லது மாலை நேரங்களில் தெளிக்க வேண்டும்.

இது வறண்ட காலத்தில் பயிர் வளர்ச்சி ஊக்கியாக செயல்படும். மேலும் 10 சதவிகிதம் மகசூல் அதிகரிப்பதுடன் வறட்சி தாங்கும் திறனை பயிர்களுக்கு அளிக்கிறது. இது குறித்து தகவல் வேண்டுவோர் சிங்கம்புணரி வட்டார வேளாண்மை உதவி இயக்குநர் கார்த்திகேயனை அணுகலாம் என வேளாண்துறை அறிவித்துள்ளது