முதலமைச்சர் கெஜ்ரிவாலை குறி வைத்து ஷூ வீச்சு நடத்திய வாலிபர் !


chief-minister-kejriwal

print

பாஜக மோடி அரசாங்கத்தின் ரூபாய் நோட்டு ஒழிப்பு திட்டத்திற்கு எதிராக அரியானாவில் நடைபெற்ற எதிர்ப்பு பேரணியில் கலந்து கொண்ட கெஜ்ரிவாலை நோக்கி ஷூ வீச்சு நடத்தப் பட்டதால் அங்கு பெரும் பரபரப்பு ஏற்பட்டது

பாஜக மோடி அரசாங்கத்தின் 500 ரூபாய், 1000 ரூபாய் நோட்டுக்கள் செல்லாது என்ற பண மதிப்பிழப்பு நடவடிக்கையை எதிர்த்து அரியானா மாநிலத்தில் உள்ள ரோஹத்தில் ஆம் ஆத்மி கட்சியினர் பேரணி நடத்தினார்கள். இதில் அக்கட்சியின் தலைவர் அரவிந்த் கெஜ்ரிவால் கலந்து கொண்டார்.

அவர் மேடையில் பேசிக்கொண்டிருக்கும்போது தாத்ரி மாவட்டத்தைச் சேர்ந்த விகாஸ் குமார் என்பவர் ஷூவை தூக்கி கெஜ்ரிவாலை நோக்கி வீசினார். ஆனால் ஷூ அவர் மீது படாமல் மேடையில் விழுந்தது. உடனடியாக அங்கிருந்தது ஆம் ஆத்மி தொண்டர்கள் விகாஸை சூழ்ந்து தாக்குதல் நடத்தினார்கள்.

அந்நேரத்தில் காவல் துறையினர் தொண்டர்களிடம் இருந்து விகாஸை மீட்டனர்.

இந்த சம்பவம் குறித்து கெஜ்ரிவால் கூறியதாவது :-

மோடி ஒரு கோழை என்று நான் சொல்கிறேன். இன்று சில மோடி ஆதரவாளர்கள் என் மீது ஷூவை தூக்கி எறிந்தார்கள். மோடி அவர்களே, எங்களாலும் இதைச் செய்ய முடியும். எங்களுடைய கலாச்சார மதிப்பு இதுபோன்ற செயலை செய்ய விடவில்லை.

உங்களுடைய சி.பி.ஐ. சோதனை, ஷூ தாக்குதல் போன்ற சம்பவங்களையும் மீறி பண ஒழிப்பு ஊழலுக்குப் பின்னால் உள்ள உண்மையை வெளிக்கொண்டு வருவேன்’ என்று கூறினார்

வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
3. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்.